Utho jaago vir yuvayon janani tumhe pukar rahi

Bharat ki Gaurav gatha tumhe lalkar rahi

Swami ji ke pryas ko nirathak na jaane do

Jab tak toot nahi jaati janjeere

Anvarat sangharsh ko chalne do

Kya huaa aisi aajadi ka

Jisme apnon ke hi gulaam hue

Pal pal ghut kar jeevan jeen a

Doosron ke hi mohtaaj hue

Kab tak dasata ka dansh jhelenge

Samprabhuta per aaghat praano ki kimat per bhi na hone denge

Apni bharat maa apni sanskriti ko hamne hi kyon bhula diya

Pashchim ki kalushit shaily ko jeevan main hamne kyon apna liya

Ho raha bhayankar  vish vaman bharat ki rag rag main

Kab tak bhtkenge ham  aashayon ke bhanwar main

Kathin ho raha yajna aaj swami ji ka

Kyon nahi ho raha yuva aaj apno hi ka

Vijayi bhav ka aashish bhi tab tak sakar nahi hota

Karmathta ka bindu bhi jab tak aakar nahi leta

Aao karain ek pran aaj

Karma yog ki jyoti ko viswa bhar mai fala denge

Gyan yog ki ganga ko vishwa bhar mai baha denge

Swami ji ke swarnim swapn ko sakar kar denge

Utho jaago vir yuvayon janani tumhe pukar rahi

Bharat ki Gaurav gatha tumhe lalkar rahi

**************